乾眼症的成因及6大症狀自我評估！｜乾眼症預防方法Dr. Marco話你知！
為何會眼乾？眼乾呢個狀況, 其實對於好多都市人嚟講, 係常見嘅一個眼睛太過操勞嘅表徵。其實呢, 我哋淚腺天然生產嘅淚水, 係要靠我哋眨眼呢個動作將佢平均分佈喺眼睛表面去滋潤角膜表層嘅細胞, 但係當我哋金睛火眼咁睇住個大市呀、電腦呀、 國際關係嘅時候, 眨眼嘅頻率就會不其然減少, 淚水亦都冇辦法平均分佈去滋養我哋角膜表面, 大部分唔係真正乾眼症嘅人嘅眼乾狀態其實係呢種, 係身體話畀你聽你眼睛唔舒服嘅一個信號。