香港大學護理系迎新營（Ocamp）日前驚傳學生吸食大麻及性騷擾醜聞，有自稱該系新生向社交平台專頁投稿，透露參加學系Ocamp期間目睹「組爸媽」公然吸食大麻，更被「組爸」上下其手非禮，而且在玩水活動還被禁止換上深色衣服而「走光」，令其留下心理陰影。主辦迎新營的港大護理學會同日於社交媒體回應事件，稱正就有關網上言論檢視安排及處理，承諾必定秉公處理。
參加Ocamp驚見「大麻Party」
在Instagram獲逾2.3萬人追蹤的專頁「軒軒萬事屋」在本月26日分享網民投稿，投稿人自稱為「hku nursing嘅freshman（香港大學護理系新生）」，並分享參加迎新營的可怕經歷，令他懷疑應否繼續就讀該學系。他憶述Ocamp首晚有「disco活動」，涉及大學生吸毒問題，
「一入到場地就聞到一陣好攻鼻嘅味，之後問過組爸媽先知道係大麻，去到後期越嚟越大陣味，好似好多組爸媽都喺度食緊，我同我朋友嗰組嘅爸媽都有食同飲醉，拋低我同其他同學唔理，成個活動入面我哋都好驚好迷茫。」
控訴被性騷擾兼濕身走光
該名新生續指，當晚場面混亂，還疑似被組爸性騷擾，「有組爸仲要特登對我摸手摸腳，上下其手，我感覺到佢係特登摸我嘅，令到我好唔舒服。」他坦言感到害怕，但不知可向誰反映問題，故只能事後在網上公開，「因為以我哋觀察，嗰度啲爸媽全部都係一夥嘅。」
該新生表示，翌日的Ocamp有玩水活動，他指組爸媽明知活動會濕身，但都不允許新生們深色上衣，「規定我哋要著啲camp tee，但係件tee好透， 即使我嗰組算深色啲都見到內衣，加上濕咗水，可以話係走晒光，仲要畀啲唔友善嘅目光望住。」
該名新生稱，玩水活動後不獲許更衣，直至晚上回房後更被組媽強迫喝酒「唔畀瞓」，不少新生出營後都因此病倒，他坦言參加是次Ocamp留下很大陰影，
「成個camp都不斷聞到浸大麻味，同喺我哋面前食大麻同飲醉酒唔理我哋嘅組爸媽，我會覺得呢三日兩夜係我人生最痛苦嘅日子，帶咗好多陰影畀我。」
帖文隨即引發熱議，不少網民批評大學Ocamp早已變質，「新一代啲風氣睇唔透」、「邊有人咁樣搞Ocamp㗎」、「單論水game唔畀換衫都好有問題，仲要強迫唔畀人瞓」；但亦有人認為並非所有Ocamp都如此差劣，「我個Ocamp唔畀大家飲酒，玩水啲組爸媽都有叫女仔披返件深色嘅衫」、「玩過大部分嘅Ocamp都好正氣」；另有不少人呼籲事主向相關部門舉報，「公開呢件事真係要好大勇氣，真心欣賞，建議去報埋警」 、「如果學校幫唔到手可以搵風雨蘭，佢哋有社工接性騷擾case會保密。」
港大護理學會回應事件：必定秉公處理
據港大護理學會早前在網上發布的宣傳資料，迎新營於8月20至22日在保良局賽馬會大棠渡假村舉行，每名新生需付980元參加費用。而迎新營活動包括「刺激嘅水game」、「high爆全場嘅營火晚會」以及新增的「disco night」，與帖文提及出現過的活動脗合。
涉事的港大護理學會同日於網上回應，表示就較早前在網上出現有關迎新營安排言論，現正積極檢視有關安排並會嚴正處理，並歡迎提供任何有關迎新營的投訴及證據，強調「必定秉公處理」。
延伸閱讀：「日本生可樂」掀瘋搶潮秒售罄 一文看清由來及食安風險
Follow我們 Social Channel 得到最新資訊 :
IG: nutriLion.hk | nutriLion.ec | nutriLion.cook
YouTube: @Nutrilion.healthylife
FB: nutriLion.hk
