和風豆乳雞湯是華御結的名物之一，不少打工仔都會買一碗及飯團作午餐。不過，自從華御結將配方改良，將雞肉改為雞丸之後，就有不少反對聲音轉出，而小編亦十分記掛舊版的配搭。然而，既然舊版不再，小編就唯有自製，嘗試還原當年的美味！
今次選用了無糖豆漿（無調整豆乳）、清雞湯及水去煮出湯底，比例為1：0.5：0.5，味道鹹淡適中，毋須額外加鹽烹調。此外，為了減少脂肪攝取，此食譜將腐竹改為硬豆腐，同樣含有豐富蛋白質，但沒有影響湯的味道，而且更低脂！這份食譜既保留了舊版的雞肉，亦有新版的多種蔬菜配搭，加上濃厚的豆乳湯底，讓人想一碗接一碗地喝！
重製華御結豆乳雞湯材料（5-6碗）
| 無糖豆漿（無調整豆乳） | 500毫升 |
| 清雞湯 | 250毫升 |
| 水 | 250毫升 |
| 雞柳 （或可用皮去骨雞髀肉，口感會更嫩滑） | 320克 |
| 本菇 | 1包 |
| 紅蘿蔔 | 1條 |
| 椰菜 | ¼個 |
| 硬豆腐 | 1磚 |
重製華御結豆乳雞湯做法
1. 雞肉洗淨印乾水，切塊，加少許鹽、糖及胡椒粉醃約15分鐘。
2. 紅蘿蔔洗淨後去皮切薄片，椰菜洗淨切小塊備用。
3. 本菇去蒂洗淨，硬豆腐切粒。
4. 鍋內倒入清雞湯及水，煮滾後放入紅蘿蔔及雞肉，用中火煮約5分鐘，然後加入本菇煮至翻滾。
5. 加入無糖豆漿、硬豆腐及椰菜，轉中小火再煮約5分鐘即成。（期間需不時攪拌，以防豆漿黐底）
延伸閱讀：三文魚湯食譜｜三文魚節瓜豆腐湯 飽肚高蛋白質 用一招煲出奶白色魚湯！
即睇更多健康食譜：Nutrilion.cook
Follow我們 Social Channel 得到最新資訊 :
IG: nutriLion.hk | nutriLion.ec | nutriLion.cook
YouTube: @Nutrilion.healthylife
FB: nutriLion.hk
